ACTES DE L'ABBAYE DE GIGNY

ACTES DE L'ABBAYE DE GIGNY
{577}1. ?? EX S. HIERONYMI MARTYROLOGIIS. D'Achery. Spicil. Martenne. Thes nov. 3. III. Id. Augusti. Ebroeas Natalis sancti Taurini. III. Idus Agusti. Romæ
Tiburti, Valeriani, C?ciliæ virginis, Cassiani martyris. In Ebroica
civitate depositio S. Taurini episcopi. Nonis septembris. Taurini.
Vesontione, Ferreoli, Ferrutionis, et octava S. Johannis.
2. ?? EX USUARDI MARTYROLOGIO. III. Idus Augusti. Apud castellum Ebroas sanct. Taurini episcopi.
3. ?? EX MARTYROLOGIIS BISUNTINIS. Dunod. Hist. de l'égl. de B. III. Id. Augusti. Ebroas sancti Taurini episc. F. August. S. Tiburtii.
Ebro. S. Taurini episc.
4. ?? EX MARTYROLOGIO TURONENSI. Martenne. Thes. nov. 3. Nonis septembris Taurini.....
{578}5. ?? EX MARTYROLOGIO ROMANO. Ann. 1586. III Id. Augusti. Apud Ebroicenses in Gallia sancti Taurini episcopi qui a
beato Clemente papa illius civitatis episcopus ordinatus, evangelii
prædicatione christianam fidem propagavit, ac multis pro ea susceptis
laboribus, miraculorum gloria conspicuus obdormivit in Domino. XIV Kal.
novembris. Ebroicis sancti Aquilini episcopi et confessoris. IV Id.
novembris. In territorio Agathensi, sanctorum martyrum Tiberii, Modesti et
Florentiæ qui, tempore Diocletiani, variis tormentis cruciati, martyrium
compleverunt.
6. ?? EX MARTYROLOGIO ÆDUENSI. Mabillon. A. SS. sæc. 5. XII Kal. septembris, in Ostia civitate, passio sanctorum martyrum
Hippolyti, Taurini, Herculiani, Felicis, Senatoris, qui, sub Claudio
principe, palmam adepti, regna c?lestia perceperunt: quorum corpora a
Christianis cum reverentia sepeliuntur. Unde post modum translata in
Augustodunensi civitate, in ecclesiam almi præsulis Christi Martini cum
honore tumulata sunt. Sed, longo post tempore, ab episcopo Cabilonensi et
bonæ memoriæ domno Hugone ejus c?nobii sancti Martini abbate et ab ipsius
loci monachis, viris religiosis et honestis, nec non ab universo clero
circumquaque adveniente honorifice recondita.
7. ?? Call. Christ. I. p. 997. In Elisana civitate fuerunt quatuor tantum episcopi, priusquam Auscis
sedes transferretur, Paternus, Optatus, Servandus, Pompidianus, quorum
primus Paternus scilicet prophetavit, dum viveret, his verbis dicens: Ego
unus, post me tres, nihil amplius, ex quo mutabitur sedes, et qui altare et
pignora B. Mariæ hinc detulerit, {579}me et illos relinquat. Quod ita
factum est. Procedente itaque longo tempore, facta persecutione Wandalorum
qui destruxerunt civitates Guasconiæ et civitatem Elizonam, translata est
sedes, sicut sanctissimus Paternus prophetaverat, in Villam-Claram quæ nunc
vocatur Auscia, a Taurino qui fuit post quatuor præfatos quintus pontifex,
in Auscia civitate. Ipse namque transtulit Auscis altare B. Mariæ quod nunc
cernitur, attulitque quatuor sanctissimos prædictos episcopos in ecclesia
B. Petri sepultos, tumulavitque in ecclesia circa altare B. Johannis
Baptistæ et evangelistæ, quæ nunc vocatur ecclesia S. Orientii. Quos post
multorum annorum curricula, Bernardus prior ipsius loci, postea
archiepiscopus Toletanus effectus, in prædicto loco honorifice tumulatos
invenit. Deinde tam episcopi quam cleri aliique viri civitatis sepulturam
apud S. Orientium habuerunt.
8. ?? DE S. TAURINO MARTYRE ET ARCHIEPISCOPO AUXITANO. Larbe. Bibl. nov. II.
598. Die 5 septembris. ##Ave protopræsul almifice, / Taurine, martyr inclite,
/ Qui, civitate Elisana demolita / A Vandalis et eversa, / Transtulisti
altare B. Mariæ / Ad vicum Vallis-Claræ, / Ut Paternus prophetaverat /
Præsulando Elisæ et dixerat: / Post me tres, et postea nullus / Elisanæ
civitati episcopus. / Vallem-Claram erexisti / In civitatem cui præfuisti,
/ Uno de viginti annis prædicando, / Hæreses extirpando, ecclesiam
consecrando, / In honorem Nativitatis B. Mariæ / Annis ducentis sexaginta a
passione / {580}Domini nostri Jesu Christi, / Et ecclesiam martyrio
consecrasti. / O valde felix dies illa! / Qua civitas ista Auxia / Taurinum
habuit patronum / Archipræsulem et sponsum.
9. ?? EX BREVIARIO EBROICENSI ann. 1587. Polland. Aug. t. 2. ....In monasterio Ebroicensi ad hoc usque tempus in honore et veneratione
habentur S. Taurini reliquiæ... ....Animantia illa sibi subjecit Taurinus,
ita ut bubalo cornu inusitatæ magnitudinis detraxerit, quod usque ad hæc
tempora ad rei memoriam in monasterio sancti Taurini apud Ebroicas servatur
et ostenditur... ....Quod (templum Dianæ a S. Taurino in ecclesiam
conversum) etiam hodie nominatur ecclesia Sanctæ Mariæ Rotundæ, ob formam
quam sub ipso gerebat. In ea adhuc Rotunda cathedram episcopalem Taurinus
collocavit, ubi diu mansit, sed alia ampliori exstructa ecclesia in laudem
et memoriam ejusdem Virginis, in istam postea cathedra episcopalis
translata est... ...Ad hoc usque tempus in villa Gisiaca agri Ebroicensis
duravit corylus, renascentibus a radice per successionem virgulis, quæ
nuces inanes et sine nucleo producit; quod accidisse narrant incolæ ex eo
quod de illa corylo cæsus fuerit beatus Taurinus, vel ad illam alligatus
dum cæderetur....
10. ?? EX EODEM BREVIARIO EBROICENSI ann. 1737. Die XI augusti, Testum S. Taurini Ebroicensium apostoli et primi episcopi
ac confessoris fidei, solemne-majus. Taurinus episcopus ab apostolica sede
ut creditur, missus in Gallias, primus apud Eburovices Christi fidem
invexit.... {581}Die XVIII augusti, Festum duplex-majus de octava S.
Taurini, et festum omnium SS. pontificum Ebroicensium. Taurini Ebroicarum
apostoli solemnitas a clero et plebe Ebroicensis ecclesiæ, adjuncta
sanctorum omnium qui ei in episcopatu successerunt memoria, repetitur et
clauditur. Sunt enim, præter antiquiores et illustriores quatuor, Gaudum,
Laudulfum, Æternum et Aquilinum, quorum sanctitas publicis ecclesiæ fastis
vindicata, propriis per annum diebus recolitur, plures alii, etc.... Die V
septembris, Festum duplex-minus inventionis corporis S. Taurini. Taurini
Ebroicensium apostoli et primi antistitis corpus, etc.... Beatus autem
Laudulfus ligneam in ipso loco (inventi corporis) ecclesiam extruxit, cui
jam, ante finem septimi s?culi, monasterium adjunctum est, cum schola in
qua sanctus Leufredus litteris operam dedit. Hoc monasterium deinceps per
bella Normannorum destructum est, expulsique monachi. Ex eis nonnulli duce
Guntberto episcopo Ebroicensi, in Arverniam ad castrum Laudosum, cum parte
non modica corporis S. Taurini confugerunt. Inde, post annos aliquot, ad
Gigniacum Burgundiæ monasterium, sub beato Bernone abbate, delatæ sunt illæ
reliquiæ, ibique assiduo populorum e vicinis provinciis concursu
celebratur. Conversis autem ad fidem christianam Normannis, Ebroicense
monasterium, in cujus poliandro reliqua pars corporis sancti pontificis per
fideles viros defossa fuerat, a Richardo gentis ipsius duce restaurari
c?ptum est, ante annum 996. Quod, coruscante jam miraculis frequentioribus
loco, a filio ejus Richardo perfectum, Fiscamnensibus monachis post ejus
mortem reformandum a Roberto ejusdem fratre subjectum est. Hi retectas ante
aliquod tempus sancti pontificis exuvias, Fiscamnum, ut Ordericus Vitalis
scripsit, transtulerunt et aliquandiu apud se servarunt: quæ tandem in
c?nobium Ebroicense, retenta apud Fiscamnum aliqua parte, reportatæ, ibidem
in capsa pretiosa servantur. Ossa tamen quædam in incendio civitatis,
tempore Philippi-Augusti, cum capsa vetustiore, sublata, Guillelmo
Neubrigensi teste, Carnutum ad majorem ecclesiam sanctæ Genitricis missa
sunt, ubi magna populorum veneratione frequentantur. {582}Die XIX octobris,
Festum duplex-minus S. Aquilini Ebroicensis episcopi. Aquilinus in civitate
Bajocensi nobili prosapia oriundus, etc.... Ejus pignora, cum parte
corporis sancti Taurini, Guntbertus episcopus Ebroicensis; subtracta
Normannorum adhuc paganorum furori, ad Laudosum Castrum in Arvernia
transtulisse scribitur, quæ deinceps Gigniaci in Burgundia a beato Bernone
abbate recepta sunt, ubi hactenus honorantur.
11. ?? EX BREVIARIO CLAROMONTENSI ann. 1774. Die XI augusti, Festum semi-duplex S. Taurini Ebroicensis episcopi.
Antiqua et venerabili traditione, in Castro Lodoso memoria colitur beati
confessoris Taurini Ebroicæ civitatis protopræsulis; cujus reliquiæ, dum
Normanni Neustriam invaderent, a piis monachis in Arverniam in Castrum
Lodosum translatæ dicuntur. Clarus fuit Taurinus, dum viveret, multis
miraculis et virtutibus. Cives plurimos ad Christi fidem convertit, dirutis
falsorum numinum simulacris; multa vero Deo altaria et ubique vexillum
crucis erexit. Ipse pro Christo strenue operatus et passus requievit plenus
meritis in s?culo ecclesiæ quarto.
12. ?? EX BREVIARIO BISUNTINO ann. 1761. Die VI septembris,